搜尋『日本之聲』過去文章(請將你的搜尋詞加進去)

需要更正確的搜尋請到YahooGroups日本之聲詳細搜尋
Google

  • 部落格版2007.9.22開始收集(部落格版才留相片).
  • 既刊目錄 http://www.geocities.jp/taigu_jp/nihon/
  • 尚新未收部分請看
    https://groups.google.com/u/2/g/koe2020/about(Google群組版本在2020年12月開始正式運作)
  • 2020年12月15日因為雅虎群組網站關站移到google群組繼續發行. 所以後面的網址可能也無法瀏覽 http://groups.yahoo.com/group/nihonnokoe/ (編碼請設定Big5)
  • 部分既刊(2004/4/21~12/28)也收藏在http://mypaper.pchome.com.tw/news/nihonnokoe/

  • 2009-02-17

    [koe]: [自由時報]世界母語日:台灣的反動◎李勤岸

    [自由時報]世界母語日:台灣的反動◎李勤岸 2009-2-17

    二○○○年開始,聯合國教科文組織(UNESCO)訂二月二十一日為世界母語日,並且每年佇這工公告世界各地母語存亡的現況,強烈呼籲世界各國攏有義務替人類保存共同的語言資產。二○○一年UNESCO所公告的世界各地母語存亡報告書內底,特別提起台灣的語言除了華語以外攏瀕臨死亡。台灣的本土母語—台語、客語以及原住民語雖然程度有無仝,不過仝款攏是已經需要保護的語言。雖然是台灣人的本土母語,毋閣嘛同時是人類的共有資產,咱無權利去共傷害、蹧躂。

    真遺憾,今年母語日出現壓迫本土母語的反動行為。咱攏掠準台灣已經是一e多元文化、多語社會的民主國家!歧視語言、壓迫母語的野蠻行為應當是過去式矣。千想萬想想袂到,佇世界母語日進前,佇農曆過年前幾工,由國民黨立委洪秀柱提案,立法院全數刪除教育部國語會台語認證預算四千萬。四千萬佇一兆八千億的國家預算、六百億的教育部預算內底敢有佔著啥物輕重?雖然國語會苦苦相求,希望莫按呢做,若無,嘛莫總刪,因為舊年台語認證的試務工作佮試題工作攏已經標出去矣,上無嘛愛留一寡仔予咱辦母語教師的認證。結果四千萬刪甲無tshun半角銀!

    按呢做是咧共台語族群明示啥物?講恁雖然是台灣上大的族群,毋閣恁上弱勢,恁上無路用!台灣逐種語言攏會使認證—華語會使認證,客語會使認證,原住民語會使認證,英語嘛會使認證,獨獨就是台語袂使!按呢做是咧共全世界暗示啥物?講恁祖媽就是野蠻人,欲共台灣的本土母語,一e一e屠殺予死,恁講阮有義務保護人類的語言資產?阮無權利屠殺母語?以前阮執政的時,屠殺台灣母語的任務猶未完成咧,今閣予阮提著政權矣,阮會繼續執行未完成的任務!

    這敢無食人夠夠!母語日彼工咱一定愛有行動!

    (作者為台師大台文所所長,世界台灣母語聯盟總召集人)

    ------------------------------------

    日本之聲 介紹在日台灣人的活動,並提供日台交流的情報及資訊 歡迎轉載 轉載時請註明出處

    投稿請寄本報編輯組: nihonnokoe@googlegroups.com 訂閱請寄空白信到: nihonnokoe-subscribe@yahoogroups.com 之後Yahoo將會寄一封確認信,題名為:Please confirm your request to join nihonnokoe,收到此信後原封寄回即完成訂閱 手續。

    沒有留言: